HRIATTIRNA

Hetah hian hriattirna tihchhuah thin a ni ang.

15th January 2018 (TKP Inkhawm Programme)

Thawhtan zan

Hruaitu : Pu Lalawmpuia
Bible Chhiar : Pu H. Lalruatsaka
Thawhlawm khawn : Nl C. Lalsiampuii leh Nl Ch. Lalrohlui
Thawhlawm hlantu : Nl F. Zorinpuii
Hla thlang : Nl J. Lal\anpuii
|KP Thutiam sawirual : Member zawng zawng
Secretary Report : Tv R. Vanlalnghaka (Secy)
Member thar lawmluh : Tv Lalrosangpuia (President)
Solo : Tv Lalbiakmuana
Group zai : Exe. comtt member + Prog. comtt member
Convener : Pu Lalmuansanga Khiangte
Thuchah : Upa R. Thanghrima (Senior Adviser)

Zaihruai

Keyboardist : Tv Jeremy Lalnunpuia Khiangte
Bassist : Tv PC Zirnunsanga
Drummer : Tv J. Lalmuanthanga
Khuangpu : Tv R. Lalengzauva
Hla hril : Nl F. Lalhluzuali leh Nl Nazarene Lal\hakimi

ISUA KROS PU-IN - Thalai 15th Jan Sermon

Matthaia 8:34

AD 2000 ral kan kai a, khawvel hian hma lam êng thlir tur a nei ta lo. Khawvel sorkar hrang hrangte chuan, chungnun duhna, sorkar chak leh thiltithei, khawvel thununtu nih tumin khawvel sawinghing dawrh thei tur, Atomic bon chak ber ber an puanhnuai ta sung sung mai! Chak zawk lam nih duhin coalition sorkar siam tumin an inpawtkhawm mek bawk a. Khawvel hian hmathlir êng a nei ta lo - mai ni lovin, chhut mite chuan, khawvel hian Ralkhel dar a vaw mek a ni, an ti.
Aw le, chutiang khawvela cheng kan nih si avangin, nang leh kei hi engtin nge kan awm zel ang? Eng kawng nge kan zawh zel ang? Kan ngaihtuah ngai em? Tawitein thlir zui ang -

1. Lal Isua hnenah dam khawchhuah theih a ni: Matthai 8:34-ah chuan, tupawhin mi zui a duh chuan, mahni hrehawm pawisa lovin a Kross puin min zui rawh se, lei leh van Lal berin a ti tlat mai. Ani chuan engkim hlohna, chhiat theihna zawng zawng lakah kan tisa, kan thlarau chhandam theitu awmchhun a ni, tih a sawi.
Khawvel hi thlir la, inhumhimna nghet Isua hi a Kross pua zui a va \ha dawn em! Kan Zoramah hian Krista thu hi sawi nuam kan tiin, sawi pawh a hlawh khawp mai, mahse khawvelin a kalsan a, a Kross pu tak tak peih hi an tlem tial tial niin a lang.
Lal Isua Kross bulah hian awmhmun rem tlat ngamtu, |halai, Nu leh Pa hruaitu van khian ava mamawh em! Engpawh lo thleng sela, i lo dam khawchhuah theih nan, Lal lung tiawi turin Isua Kross hi i pu ang hmiang.

ISUA KROS HI I PU ANG HMIANG
2. Kross put hi Beiseina, Hlimna min petu a ni: IKor.1:18-ah chuan, “Kross thu chu boral mekte tan chuan âtna, keini chhandam mekte tan chuan Pathian thiltihtheihna a ni zawk,” a ti a.
Keini ringtute hian Kross hi kan hmang thiam lo a ni ang! Kan ning fo \hin a ni. Kan peih lohsan fo \hin. Engmah lovah kan chan fo \hin a, a hmang thiamte tan chuan, Pathian thiltihtheihna lantir nan an hmang \hin. Nang leh kei hi khawvel tana \angkai ber ber kan ni lova, van lam tan phei chuan engmah special-na kan nei hek lo, mahse nang leh kei hi Lal Isuan a Kross hmangin hmanraw \ha takah \angkai taka hman theih turin min siam a duh a ni zawk. Lalpa thusawi rawh ka lo ngaithla ang e, ti mai tur kan lo ni zawk.
Khawvelah hian Isua Kross putute tuar ai hian, a pu peih lote tuarna hi a khâl a rit daih zawk, duhamna avanga rilru hahna, rualawhna, chinlem neih lohna, rukruk thubuai, tualthah thubuai pawngsual thubuai, eiruk thubuai, ruihhlo thubuai etc. a tam lutuk. NUN HI ISUA KROSS pu peih lote tan chuan âtna a lo ni. Lungawina (chantawka) hahchawlhna Hlimna, Beiseina thar zel nen an chhar zel \hin a va ropui em! Kan sumin a lei theihah tumah kan buai ngai lo, kan lei theih loh chinah kan buai mai a ni.
Daktawr-ten min tihdam theih chinah kan lawm hle \hin. Min tihdam theih loh chinah \ahna a lo thleng \hin. Nang leh kei hi khawvel buai zelah hian kan dam zo tak tak dawn chuang lo ve, Isua Kross-ah ngei hian kir ila, chhandamna ropui tak leh engkima lungawina chu, Van Thlarau Thianghlim chuan a pe ngei dawn che a ni. Pathian thuin a ti.
Galatia 6:14-18. Nunna tura Isua Kros putute thihnaah miten nunna an chang \hin a, Isua Kross dik tak putute - Khawvel tan an dam chhuak leh ngai lo.
Lalpan mal min sawmsak rawh se. Amen.